30 MAR 06
今天, 第一個由我follow 的event完滿結束。
但心情複雜, 一天內好像發生了很多事… 其實, 真的發生了很多事, 讓我慢慢說：
今天是一個skincare的launch event, 還加插一個jewellery show, 提高可觀性, 還請了樂x兒行show。
早上十一時model到場, 開始化妝整頭, 一切如常。
十二時, 樂小姐也到達, 要開始rehersal。
大家走了一圈又一圈, 最後來個finale, 以為搞掂。
回到backstage, 樂小姐突然拒絕化妝, 還說不可以行這場show, 因為, 她不知道今天是一個skincare 的launching, 以為只是jewellery show, 她行不得, 因為她是shiseido的代言人。
從來沒有人知道這件事！下午三時記者會就會開始, 而個客亦已在場, 樂小姐跟經理人傾完, 還是要走。
責任誰屬？事後我知道有人篤我。
搞show, 我們會有兩個方法, 一是全部自己做晒, 自己請model, 自己brief model, 自己同model 簽約, 自己call show; 二是請一個choreographer, 幫我們處理所有工作, 今次, 我們請了這個人。
當時我不在場, 但我知道, 她跟我的同事及上司說, 我沒有跟她說這是skincare launch, 她什麼都不知道, 但現場所有backdrop, 都是那套skincare 的image。
上司ADA問我, 究竟有沒有跟她說過, 我說有, 我真的有, 但她究竟信不信我？
(當時我好Q亂, 我知道, 或者是相信自己有講, 但亂到我咩都無同ADA講, 事後我的記憶才慢慢恢復過來, 我rehersal前才跟她介紹過什麼是Nacr, 叫她提醒model 行show 時要拿著我們的product, 之後我仲check 番send 給她的email, 清清楚楚寫明是「launch event of Nacr, a skincare collection」)
更PK的是, 我知道Isis一定又會blame 我, 她是那種係唔係都要blame你的上司。
但最緊要解決到問題, 最後我們臨時請了楊x及董x莉(一個佢行過你身邊你都應該唔知佢係明星的人), 三點開始的show, 她們總算在三時前到達, 但故事還未完。
大家返回backstage, 立即化妝整頭, 時間緊迫, 但希望一切還趕得及。
但董小姐一穿起套衫, 就話太少布唔會著, 問我們有無其他extra(但你以為這兒是boutique?) 然後又是一輪與經理人的談話, 最後結論是, 她不會行。
其實她行唔行, 我們都不是太care, 因為她的高度, 實在與一眾model 格格不入, 而且她又不是什麼紅人… 她說不做, 竟沒有人打算留她, 她說她要立即走。
但外面的show已開始, 她離開backstage, 說現在要在記者面前走, 痴線! 我不知道要怎樣做, 只知道要阻止她, 跟她說了一大堆廢話, 勸她返入backstage, 然後Isis又走來擺平, 最後在「打多幾層底」的共識下, 她才肯行。
一切才終於告一段落, 馬上執下佢個樣, 剛剛趕到及出show。
下午的記者會總算搞掂, 雖然預左第二日會有負面報道(例如說邊個邊個執二灘), 但都不打緊了。
晚上的VIP cocktail, 也算是十分順利, 但唯一不順意的, 是杜X元竟然唔肯o黎！
因為雖然說是VIP, 但其實我們這些PR公司, 還是會請來自己的朋友, 以製造熱鬧場面… 其實我都係想佢睇下我做o既o野, 知道我平時搞咩o者, 點解咁都唔肯o黎… 就好似小朋友做o左一件勞作, 雖然唔知做得好唔好, 但都想俾自己daddy mummy睇下o者…
算了, event 做完, 但還是要回公司, 繼續做周x福的工作, 今晚, 又是十二點幾, 已經是連續第二晚了。
event的相片:
..........................................................................................
26 MAR 06
一班朋友到杜X元家吃飯, 又是杜X元「表演」的大好機會…
今天的客人有綺華, 肥宏, 好久不見的GINNY , 以及她的男朋友, 加上我與杜X元, 六個人的午餐, 已足夠讓我們忙一整天：
唔知點解, 我們八點幾已經起身, 九點已經「貢」左出街食早餐, 食完個早餐A, 就開始四圍買材料, 左行右行, 十一點返到屋企開始整。
今日雖然只係一個lunch, 但亦非常豐富：洋蔥湯、焗蒜蓉包、焗雞翼、白酒煮青口、牛油焗露荀以及烤燈籠椒……係咪好勁呢?
食完正餐都仲未夠, 仲要食完飯一齊焗朱古力軟心蛋糕, 但其實好簡單, 因為只係買city'super 的現兜兜一包包材料, 只需加水加蛋, 所以都幾成功, 但就飽到死…
食完飯、傾下偈、同大舊玩下, 大家離開已是五點。
但餘下的, 還有廚房的殘局, 每次杜X元煮完野, 都會好混亂, 何況今次係六個人的飯…
洗到差不多六點幾, 才將廚房稍為回復原貌…之後又要出街同杜X元阿媽食飯。
雖然忙了一整天, 但吃完飯, 我們還是繼續回家清潔, 我吸塵佢拖地, 最後仲收埋露台d 衫…十項全能全部完成, 宣佈終於十二點!
從沒試過, 星期日咁忙。
但其實蠻喜歡這種聚會, 好有朋友gathering 的感覺, 而且又平, 又可以點hea 都得, 哈哈, 所以我想, 我們還是會讓自己這樣忙的。
..........................................................................................
19 MAR 06
杜X元由一間房搬去另一間房, 但所費的時間與精神一點不少, 折騰大半天, 還是剩下一大堆塵封的東西, 左堆右放, 卻還是未找到安居之所……累透了, 我不得不放棄, 剩下的就交給杜X元努力了！
..........................................................................................
17 MAR 06
今日ADA突然同我講述她與ISIS的一段對話：
ISIS: 「ADA, 佢(指我)呢排好咪好多o野做呀, 佢呢排呢, 真係愈來愈亂呀！」
ADA: 「緊係啦, d 野唔係我做就佢做架啦, 係咪呀？」
我沒有太大感覺, 只覺得好笑。
..........................................................................................
14 MAR 06
senior 同事果然被人炒, 還要是即炒即走, 立即執包袱o個種。
我知道, admin同事對佢好不仁慈: 差不多是監視佢執野, 唔俾佢用公司電話打出去, 即時封鎖電腦, 以防萬一, 還要改埋大門密碼。
我知佢一定好嬲, 佢下晝仲問過我, 點解呢排d 野唔洗佢跟, 叫我點答, 我話我唔知, 仲叫佢快d 同ADA傾下……
夜晚九點, 佢再打電話俾我, 第一句就話「你一早知o既」, 我當然還是死口不認, 接著就是不斷的粗口, 但佢唔係鬧我, 佢係鬧ADA同ISIS jer。
佢話, 佢無乜留戀, 都無乜人佢覺得要特別講byebye, 除左我同另一個admin 女仔, 我話我仲做緊野, 放工再打俾佢……但我沒有。
沒什麼, 其實我沒有太大感覺, 只知道, 原來我都好識講大話, 同假。
不知道, 真的沒有太大感覺。
..........................................................................................
13 MAR 06
從來都以為, 自己EQ很高, 從不被工作影響情緒, 但自從我隔離位、跟我同grade的同事離開公司後, 我的工作量已倍增；今日, 上司ADA同我講, 我要接手埋我個senior 的工作, 因為佢「命不久矣」……
又要理production又要理venue又要理model又要理design, brochure又係我poster又係我leaflet又係我banner又係我invitation card又係我, 又要同客deal又要同contractor deal又要同上海班同事deal, 又要做ADA d 野又要俾ISIS奪命追魂, 最慘係, 連去諗下自己應該做邊樣先的時間都無, 已經有十萬樣野飛埋o黎, 轉個頭又已經俾人追問d 野做完未……再加上我的家人今晚會去和民, 同我阿媽慶祝生日, 但我七點半還在公司, 唔知幾時先走得, 然後唯有同佢地講：「我諗我o黎唔到啦…」
然後, 就係講完呢一句, 我就忍受不住了, 知道自己要衝入廁所, 失控一下。
仲記得有次同事同我講, 話某日一位同事又係做到好夜, 佢突然間企o係身, 走埋另外兩個同事身邊, 一句「我忍唔住啦」就伏在桌上不斷哭, 我當時仲諗, 洗唔洗咁激。
好唔開心, 但好彩有元元錫返我, 佢即刻煮o左餐兩食送一飯的晚餐俾我, 分別係火腿炒蛋及西芹紅椒炒豬頸肉, 開心返少少。
但明天又可能陷入低潮。
..........................................................................................
06 MAR 06
對於PK, 我已習以為常…可能是我走得太快, 可能是我的鞋底太滑, 可能是我不幸地踏中路上的一灘油…我接受了, 不是別人, 只有我。
於是, 跌倒在路上後, 我哎呀一聲, 即躍起再跑, 不讓別人看到我痛苦的樣子。
只是, 在我PK後不到一小時, 當我坐在茶餐廳不到一分鐘, 一碗別人吃剩的米線, 在伙記哎呀一聲後, 就向我背上倒下來, 沒早一點, 沒遲一點, 不是隔離位, 不是別人, 就只有我…如果是這樣的話, 又是否意味, 霉氣——我永遠揮之不去？
今天, 真是諸事不順, 倒霉事接踵而來, 同個contractor傾份約, 被該名八婆句句串、句句頂, 我真的很氣憤, 但竟毫無還擊之力…唉, 唯有明天再來過！！八婆, 我是不會放過你的！！
還有, 不斷被上司逼迫, 叫我做呢樣做o個樣, 照! 你同我講得o黎, 你自己都做o左啦, 真係好鬼死想同你講句「頂」lor…
好像太粗鄙, 請見諒。
..........................................................................................
05 MAR 06
一個星期, 杜X元三嘗烘焗朱古力蛋糕, 卻一次又一次失敗……
今天這一個, 明明跟足食譜指示, 我們更特登到豐澤買了「神奇攪攪棒」(好彩有coupon唔洗錢), 但還是不成功, 完全造不出蛋糕的質感(只像鬆糕…), 結果, 又一次浪費食物, 真可惜。
杜X元說, 誓要做到成功為止…
我說, 下星期不如做曲奇算了。
有人可以為我們提供必定成功的食譜嗎?
..........................................................................................
02 MAR 06
隔離位的同事今日last day, 我知道, 我將會PK。
這兩天, 已開始回復8:00後放工的生活, 打後的日子, 相信會更衰, 因為, 我條team, 除了我上面個account manager外, 就剩下我與另一名senior, 但這名senior, 我真的服了她, 首先, 她每個星期起碼要請一天病假, 這個星期更已請了兩天, 也不知道她明天會否上班……我不是要歧視身體不好的人, 但她真的真的帶給別人很多很多麻煩! (但其實就算她不請病假, 她也習慣了每天十一、二點才回公司, 有時更是lunch time 後！)
第二, 她除了跟contractor 溝通之外, 她一概不理其他事, 然後其他工作就要由我來負責, 然後仲要, 佢話佢英文唔好, 一有親d 要講英文的電話, 她都叫我講……我不是要歧視英文不好的人(我自己也不是很好), 但她這樣……唉……
坐我隔離的同事叮囑我, 千祈唔好俾佢點, 俾佢蝦……但, 好明顯我已經衰o左。
..........................................................................................